ممتنة لهذا اليوم رجعت بدري على غير العادة وفيني نشاط اشتغلت في كل حاجة غير الديزاين رتبت واتفرجت على برامجي تكلمت مع امي وخططت لكثير اشياء ومانمت العصر !
ولا سويت شغلي ببرود تام بنام الان ونقول نقوم الفجر وناخذ بركته في تعديل المطلوب للتسليم
اصبح معكم على خير
اليوم قرب ينتهي معنى هذا ان نهاية الاسبوع فعليا خلصت الانجاز مش ولا بد ونجلس صاحين للصبح ننجز .
مشكلة انك تكون شخص ساعة الانتاج في جسمه تكون من نص الليل حتى اول الصبح 🚶
الرياضة ماشية تمام مشيت نص ساعة ومع سيتاب عشر مرات .
الحين نتمنى انه الانجاز يكون ممتاز الى الصبح
اليوم طار وانا مصدعة ومستمرة اطقطق على الفاب لاب لا شيء يذكر انتهى ، ودكتورتي متوعدتني اجي الاحد مع الفاب لاب كامل والكتلة وانا متوعدة نفسي ازيد عشان انجز حقيقي 🚶
اليوم سويت رياضة نص ساعة بس خربت بالاكل ومن بكرة داخلة تحدي مع صديقتي نسوي squat و setup
بوافيكم بنتائج التحديات اللا منتهية هنا ان شاءالله
ونسهر لبكرة بنية الانجاز 🚶
تبقى 34 يوم على النهاية الشعور لذيذ ويمليني فرح الكل يتناقش ايش نسوي بالتخرج مين بنجيب ايش بنلبس وكيف بنروح وكيف بنجي الكل متحمس ! حفل التخرج تبقى عليه 16 يوم فقط
ماعندي كثير اليوم امس نايمة كويس ولا انجزت واليوم هو يوم الراحة بالنسبة لي
ممم متلخبطة وراح اعيد تصميم الفاب لاب هالويكند اتمنى اطلع بشي يعجبني ويرضيني .. وتصبحون على خير وبركة من ربي
تبقى اليوم ٣٥ يوم على يوم الجوري النهائي لي ( يوم التحكيم لمشروع التخرج ) سأبدأ من اليوم اشارك هنا بعض من اخر ايامي كطالبة تصميم داخلي بعض من حلطمات وبعض من انجاز وسوالف بين هنا وهنا مشروع تخرجي هو مركز ابتكار في الظهران لشركة تالنتس سنتر ، المشروع يحتوي على قاعات تدريبية ومركز تصنيع ومعارض ومقر للشركة انهيت حتى الان مخططاتي للدور الارضي والاول وقطاع معماري ومجموعة من اللقطات الداخلية اليوم بدأت تبان ملامح التصميم للفاب لاب لكن بانت متأخر جداً لما اقترب وقت الخروج للجامعة 🚶 لا مشكلة نختبئ في غرفة العصف الذهني في الكلية نركز وكل شيء يخلص ان شاءالله 💃
بقد ماكنت متحمسة لتصميم الفاب لاب هنا كوني اشتغلت في الفاب لاب واحببته من كل قلبي بقد ما اني كل ما اجي ابداه ابعد 🚶 مش قادر يطلع معي شي احبه اللي وصلت له الان اعجبني واتمنى على اخر اليوم اكون سعيدة والفاب لاب مخلص وبالشكل اللي يرضيني ويحسسني فيه
الصورة هنا من وضعه الحالي عاجبني ومش عاجبني لكن نروح ونتمنى ننجز بخير
