كَوني انسانة تحب النوم جداً وجداً وجداً ، وما تحب أحد يفتح عليها النور ويزعجها أثناء اجمل فقرات يومها U_U
قررت اسوي لي غطا عيون مع شرحه هنا بالمدونة
" خصوصا أن غطاي القديم مفقود :/ "
أدوات العمل :
أي قماش قطن ناعم عندك - مطاط - وماكينة خياطة
أول خطوة : ارسمي باترون على عينك أو ممكن تختارين باترون من قوقل باسم " sleep mask pattern " ( موجود أشكال كثيير )
وحددي على القماش حدود الباترون اللي رسمتيه " بقلم رصاص أو اي قلم خشبي "
على الطرفين الأيمن والأيسر حددي نقطة تثبيت المطاط اللي طوله بالغالب من 35 - 40 سم
قبل ما تبدأين تخيطين أول شي راح تحطين المطاط ما بين القماشين بحيث طرفه الأول عند النقطة اليمنى والطرف الثاني عند النقطة اليسرى ، الحين بيكون ىالمطاط مابين قطعتين القماش ، بالماكينة تثبتين الطرفين بغرزة " الزقزاق " ( مثل ماهو موضح بالصورة )
اذا ثبتيها غيري غرزة الماكينة للغرزة العادية وخيطي على الخط اللي رسمتيه لكن اتركي مسافة تقريبا 4 سم عشان تقلبين العمل بعد الانتهاء
انتتتبهي تخيطين المطاط الموجود داخل بالخطأ
اذا خلصتي خياطة سوي مثل هاذي الطريقة
مثلثات على اطراف الخياطة خصوصا الجهات اللي اقواس
معلومة : لو لاحظتي بتشوفيني مسوية مثلثات وفي الجهة اللي تحت بالنص بس مقصصه خطوط بدون مثلثات
الفرق لما تكونين بتقلبين جهات مايلة بشكل " محدب " تسوين مثلثات ، ولو كان الميلان "مقعر " تسوين قصقصات على طول الميلان
الهدف عشان يكون القماش مرتاح لما تقلبينه ما يطلع مشدود او حوسة
النهاية .. بس تقلبين قطعة القماش وتكوينها وتسوين غرزة داخلية على الطرف اللي مفتوح :*
ونوما هانئاً وأحلاماً وردية :*
