طريقة بسيطة لعمل كلندر :*

قبل عام كنت ادور في موقع Flickr  أبحث عن فكرة انفذها أو صورة تلهمني لعمل

وصلت الى حساب Gizoca خياطة و فنانة مبدعة من البرازيل حبيت شغلها كثير ، كان من بينه الكلندر

قررت استنتج من صورها طريقة عمله وانقلها هنا في المدونة ومن العام الى اليوم في هاللحظة قررت انزل هالتدوينة ()

خطوات الكلندر بسيطة جداً بس تعطي نتائج جمييلة

أول شي

راح نحتاج الكارد بورد " موجود في جرير " عشان نسوي اساس الكلندر وممكن نستبدله بكرتون ، في هالعمل راح استخدم الاثنين

راح احتاج قطعتين كارد بورد متطابقتين راح يكونون لي الوجه والظهر وقطعة راح تكون لي القاعدة " المقاسات لك الحرية فيها أهم شي الارتفاع يكون ثابت في الثلاث قطع "

راح اثبت القطع ببعض بلصق عادي الهدف بس انهم ما يحوسوني

بعدها اختار القماش اللي بأستخدمه للكلندر لازم نراعي انه يكون قماش خفيف وما يتمطط عشان اكون مرتاحة وانا استخدمه وما يتعبني غالباً ان القطن هو أفضل شي

نحط الكارد بورد فوق القماش اللي اخترناه ونرسم خط القص تقريباً يبعد 5 سم عن الكارد بورد من كل جهه

 ونقصه ، نظافة القص في هالمرحلة ما راح تهمني كثير

بعدها نصمغ اطراف القماش من الداخل بس ، ماامسك واجهة الكلندر ولا راح احتاج ..

والزوايا بهاذي الطريقة

  

الخطوة اللي بعدها ، نبدأ بالعمل على الكلندر ونزيينه مثل ما نبي بالدانتيل او اقمشة او شرايط بطاقات صورة عبارة ... الخ

كمثال قررت استخدم الدانتيل

 الحين نطبع الشهور ونقصها

 ونخرمها بخرامة الورق العادية ..

الآن نحدد بالقلم الرصااص البعد بين النقطتين بعد تخريم الورق

راح نحدد على وجه وظهر الكلندر

 في هالخطوة نحتاج خرامة الجلد مع حدايدها " متوفرة في جرير "

 ونخرم مكان النقاط اللي حددناها على الكلندر

 خلف الخرامة يوجد " كبّاسة " للحديد راح نستخدمها عشان نثبت الحلقات الحديد

  

الهدف من الحلقات هاذي راح تحفظ لي القماش من ان " تتنسل " خيوطه بعد التخريم

الخطوة ما قبل الاخيرة تنظيف العمل

راح احتاج قطعة قماش مستطيلة يفضل تكون من الجوخ ، هنا لأني ماحصلت جوخ مناسب استخدمت قماش اخر كبديل لكن بهذلني شوي

راح احط المقاس اصغر من مقاس الكلندر بالقدر اللي اشوفه يغطي كل شغلي

 وأصمغه

الخطوة الاخيرة راح نحتاج حلقات ميدالية " أي نوع وأي شكل "

ندخلها ما بين الحديدتين وأدخل داخلها أوراقي اللي قصيتها وأسكرها

بامكانك اضافة اكثر من التخريمات الاساسية بهدف تثبيت الكلندر من الاعلى

النتيجة النهائية ..

 الصورة الملهمة من Gizoca ( ) 

تطبيقي على الصورة 

للي حابة ارسلها أوراق الكلندر بس ترسل على هذا الايميل لاني ما قدرت انزله هنا 
noory-shop@hotmail.com